Home Bio Optredens Media Vrienden Merchandise Contact
 

Ta piosenka jest dla was

Tekst: Roy Grutters
Muziek: Roy Grutters

Couplet 1
Deze is veur uch
Ömdet ge vuul verdeent maar gaar niks kriegt
Idderein uch met de nek aankiekt
Al kroept ge veur uch baze door ‘t sliëk
Deze is veur uch
Want al lik me uch te neije
Geej helt de zaak ‘nt dreije
En ge ziet nag lang zoe slech neet as ‘t liekt

Couplet 2
Ge werkt de gansen daag
In de fabriek of op ’t veld
Veur get schaemel mager geld
Waovan niks euverblieft as ge de oore telt
Aangeweid met oëstewink
Nao örges wao me uch verdinkt
Oëtscheldt, zwartmaakt en verlinkt
En uch in caravans luüt woëne in de kelt

Couplet 3
Maar ze keeze d’r toch veur?
Nou loester wat ik zeg, stel alle bane zien heej weg
Den hesse ech gen keus den geit ’t dich ram slech
En den môsse d’rvandoor
Zien doëzend kilomaeter wiëd
Dien keuzemeugelikhede kwiët
Jao den haalse örges angers wal dien rech

Couplet 4
Al die bronsgreun eikelaers
Die uch beschöldige van alles
Die hebbe neet door wat d’r wal is
Dinke det geej jao de schöld ziet van vanalles
Maar gluif maar det ik uch waardeer
Det geej met doëzende beejein
Bewaeging hèlt in ôzzen trein
En det uch koms de oplossing tege verval is


«« Terug naar het media overzicht